Venezuela tân-in chhunga buaina chhuakah mi 46 thi

Venezuela khawthlang lam, Portuguesa state tanin chhunga buaina chhuak vangin mi 46 an thi a, mi dang 60 in hliam an tuar. 

Venezuelan Observatory of Prisons director Beatriz Giron chuan Zirtawpni liam ta khan tanin chhungah buaina hi a chhuak niin a sawi. Prisons minister Iris Varela chuan tang zinga ṭhenkhat tlanchhuah an tuma vanga buaina hi chhuak a ni tih sawiin, prison director pawh kahfuh a ni a, hliam a tawrh thu thu a sawi. 

Hetih lai hian eptu lam chuan tangte hi an chhungte'n ei tur an pek khap a nih avanga buaina hi chhuak niin a sawi thung.