Afghan-a mosque beihnaah mi 29 an thi

Afghanistan-a Herat khuaa moque beihnaah mi 29 an thi a, mi dang 63-in hliam an tuar.

Herat provincial governor thupuangtu, Jailani Farha chuan Thawhlehni khan pawikhawihtu hian mosque-a inkhawm tura kalte chu kapin, bomb a tipuak zui niin a sawi. Hliam tuarte hi damdawi-ina hruai nghal an ni a, an zinga mi eng emaw zat chu an dinhmun a ṭha lo hle. Pawikhawihna thlengah hian mi dang inhnamhnawih an awm em tih chhui chian mek a ni.

Mosque beitu an nih thu hi eng pawl mahin an la sawi lo. Afghanistan rama ramdang sipai awmte umchhuah leh Islamic dan hman tuma beitu, Taliban chuan inhnamhnawihna an nei lo niin an sawi. Herat Governor Mohammad Asif Rahimi chuan sakhaw hmun pawimawh beih a ni ṭhin chu a dem thu a sawi a, sakhaw hruaitu hrang hrangte pawh, he thil thleng hi an dem thu sawia an aw chhuah turin a ngen.