LA-a Chinese Consulate-ah silai hmetpuak

Los Angeles-a Chinese Consulate pawnah Thawhlehni zing khan mi pakhatin silai a hmetpuak a, a hnuah amah a inkaphlum zui nghal bawk.

LA Police Department hotu Michael Lopez chuan he thil thlen hun hi zinglam dar 6, consulate hawn hma a nih thu a sawi. Silai hi ṭum eng emaw zat a hmehpuah hnuah, a hmetpuaktu hi car-ah thia hmuh a nih thu a sawi. Chinese consulate pawhin thuchhuah siamin, US chu building leh he hmuna thawkte himna tura ngaihtuah a ṭul anga hma lak sak turin a ngen. Silai hmetpuaktu hming leh nihna hi tarlan a ni lo a, mahse China chanchinbu chuan kum 60 mi vel, Asia mi nia a lan thu an tarlang.