Congress-in Temer-a puhna hnawl

Brazil Congress lower house, Chamber of Deputies chuan President Michel Temer-a eirua puhna chu a hnawlsak.

President Temer hi thamna laa puh a ni a, thubuai siamsak a nih chuan Supreme Court-in ngaihtuahin president a nihna aṭanga paihthlak theih a ni dawn a ni. Mahse Congress-in he puhna hi a hnawl tak avangin Supreme Court-a thubuai a neih tur hi a pumpelh thei dawn ta a ni.

Nilaini zan khan President puhna chungchang hi Chamber of Deputies-ah hian ngaihtuah a ni a, Supreme Court-ah thlen tura an puhna hi member 513 awmna House-a member hmun thuma ṭhena hmun hnih, vote 342-in an thlawp a ngai a ni. President laka eiruk thubuai siamsak duh lamah vote 227 tlain,a duh lo lamah vote 263 a tla a ni.