Indonesia Runway-ah thlawhtheihna insu

Indonesia-a Medan khuaa airport-ah nimin khan khualzin phur thlawhtheihna pahnih chu runway-ah an insu.

Lion Air thlawhtheihna, Boeing chu airport-ah ṭumin, runway-ah hian Acheh province lama thlawkchhuak tur Wings Air thlawhtheihna thla dinglam a su a ni.

He thil thlengah hian hliam tuar an awm lo a, thil awmdan hi chhui chian a nih tur thu thuneitute chuan an sawi. Kum 2016 May thla khan Lion Air thlawhtheihan pahnih chu Jakarta-a Soekarno-Hatta airport-ah an lo insu tawh bawk a, kum 2016 April thla khan Batik Air thlawhtheihna chuan TransNusa thlawhtheihna thla a lo su tawh bawk.