Eiruk chungchangah Israel PM ringhlel

Israel Prime Minister Benjamin Netanyahu chu thamna la, dik lo taka thilti leh a thuneihna hmang dik loah rinhlelh a nih thu, Israel police-te chuan an sawi.

Magistrate court-a document thehluhah, police-te chuan PM Netanyahu hi eiruk thubuai pahnihah inhnamhnawiha rinhlelh a nih thu an sawi a, heng thubuai hi chhui mek a nih thu an tarlang.

Local media-te chuan Netanyahu hi Israeli-American Hollywood billionaire Arnon Milchan leh Austra­lian billionaire James Packer hnen aṭangin thamna sum a la niin an tarlang. Hei bakah hian nitin chanchinbu Yedioth Ahronoth tichhuaktu, Amon Mozes-a inremna siam­pui tumah puh a ni bawk. Inremna siampui a tum­ah hian he chanchinbu hian prime minister chung­chang a ṭha lam chauh a tichhuak ang tih a ni. Hemi chungchangah hian Netanyahu-a chief of staff hlui Ari Harow chu thu zawhfiah a ni ang.

Netanyahu-a thupuangtu chuan an puhna chu thu dik lo a ni a, politics lama inbeihna niin a sawi. Thu dik a nih loh vangin PM hian eng thubuai mah a hmachhawn a ngai dawn lo niin a sawi bawk.