Venezuela court hnenah assembly lalut rih lo turin ngen

Venezuela prosecutor office chuan Constituent Assembly inthlan neih zawh takah thil fel tawk lo a awm nia sawi a nih vangin assembly chu lalut rih lo turin a ngen.

Pathianni-a Constituent Assembly inthlanah khan vote tihchingpen a awm nia sawi a ni a, hei hi chief prosecutor Luisa Ortega chuan chhui chiang turin a ti a ni. Mahse President Nicolas Maduro chuan vote tihchingpen nia sawi hi thu dik lo niin a sawi thung.

Constituent Assembly thlan thar hian an ram danpui siamṭha turin thuneihna a nei dawn a, Pathianni-a member tur thlanna hi eptu lam chuan an boycott a ni. Eptute chuan danpui siamṭhat tumna hi President Maduro-a’n a thuneihna tihnghet a tumna nia ngaiin an dodal a ni.