Dubai-a Torch Tower a kang

Dubai-a residential skyscraper, Torch Tower-ah nimin zing khan kangmei a chhuak a, kum hnih chhunga kangmei a chhuah ṭum hnihna a ni.

Torch Tower hi khawvela in chhawng sang ber zinga mi a ni a, kang­mei chhuah chhan hi hriatchian a ni lo. Kangmei chhuakah hian hliam tuar an awm hriat a ni lo a, civil defence worker-te chuan building chhunga awm­te hi an thiarchhuak a, kangmei pawh ṭhelh mih a ni tawh bawk.

Chhawng 79-a sang, Torch Tower hi kum 2015 khan kangmei chhuakin a lo ti chhe tawh bawk a ni. He in chhawng sang hi kum 2011 a hawn a ni a, a san zawng hi meter 337 niin chenna hmun atana hman a ni a, khawvela in chhawng sang 32-na niin, Skyscraper Centre chuan a tarlang. Tower-ah hian apartment 676 a awm.

Kangmei chhuah ṭan hun hi zing lam dar 1 vel a ni a, chhawng 50 thlengin a kang a ni. Fire station pali aṭangin kangṭhelhtu tirh an ni a, zing dar 3:30 velah an ṭhelh mit a ni.