Myanmar sipaite'n political party-te khuahkhirhna thar a tichhuak

Myanmar sipai sorkarin ram chhunga political party-te chu sipai sorkar hnuaia elec­toral body-te phal­na la hmasa loa international organi­zation emaw ramdang mi emaw biak khapna a tihchhuah hnuah khuahkhirhna thar an tichhuak leh.

Sipai sorkara Union Election Commission (UEC) chuan political party-te chu an phalna la hmasa lo chuan foreign organization leh ram dang mi hmuh khapna an lo tichhuak tawh a ni. Kar liam ta khan foreign organization-te chu Myanmar-a political party-te nena inbiakna neih an duh a nih chuan an ram embassy kal­tlangin foreign ministry hnenah in report hmasa phawt turin an ti leh a ni.

Hetianga political party-te khuahkhirhna hi a hmain Myanmar electoral body hian a la siam ngai lo.

Kum 2008-a sipai sorkarin constitution-a draft an siam, Article 407(c) leh 408 bakah, Political Parties Registra­tion Law Article 6(f) tlawhchhanin, UEC chuan thuchhuah an siam zawm lo political party-te chu ṭhiahsak an nih tur thu a sawi bawk.

Article tarlan danin, party-te hian ram dang-a sorkar, sakhaw pawl, pawl dang leh mimal hnen aṭanga sum, bung­rua leh thil dang hmanga chhawmdawlna an dawng a nih chuan, party registration chu tihtawp theih a ni ang.