SAfrica President Jacob Zuma fiah dawn

South Africa President Jacob Zuma chu eiruk thubuai siamsak a nih hnuah a lakah no-confidence motion putluh zui a ni a, Parliament member-te’n secret ballot hmangin vote an thlak dawn a ni.

South Africa-a rorellai, African National Congress (ANC) hruaitu zingah pawh Jacob Zuma chunga lungawi lo hi an awm nual tawh nia sawi a ni a, President fiah a nih huna secret ballot hmanga vote an thlak chuan a ringtawk lo lamah vote thlak pawh an awm ngei rin a ni.

Jacob Zuma hi kum 2009 khan president atan thlan a ni a, thuneihna a chan hnuah eirukna hrang hrangah inhnamhnawiha puh a ni a, hetih lai hian an ram sum dinhmun a tlachhe sawt hle a, hna thawh neilo pawh an pung chak hle a ni. Kum 75 mi, Zuma hi kumin December thlaah ANC hotu a nihna aṭangin a chawl tawh dawn a ni.

Eptu party lian ber, Democratic Alliance (DA) party chuan President fiahna hun buatsaih chu an vaia atana eiruk an duh lohna lantir a, President Zuma leh a cabinet paihthlakna hun remchang a nih thu a sawi. DA hruaitu Musi Maimane chuan ANC aiawhte pawh Zuma paih­thlak a nih theihna tura motion thlawp lama vote vek turin a ngen.

South Africa parliament-ah hian member 400 an awm a, eptute hian president paihthla tur chuan rorellai, ANC member 50 vote tla an hmuh tel a ngai dawn a ni.