France president nupui First Lady status pek tum sawisel

France President Emmanuel Macron-an a nupui, Brigitte Macron-i ‘First Lady’ official status pek a tum chu mi tam takin an sawisel.

Brigitte Macron-i hnena official role pek tum duh loh hian petition siam a ni a, mi nuai hnih signature lakkhawm a ni tawh. Petition-ah hian Brigitte Macron-in chuan a tana thawktu mi pathum bakah secretary pahnih leh security agent pahnih pek a ni a, hei hi a tawk hle nia an ngaih thu an sawi. France ram danpui hnuai­ah president nupuite hian office leh adviser nei ve mah se, official role erawh an nei ve lo a ni. President Macron-a chu a campaign laia chhungkhat laina induhsakna pek ṭhin tihtawp a lo tiam tawh phatsanah an puh a ni.