US-in Cuba palai pahnih hnawtchhuak

US chuan am rama Cuba palai pahnih te chu a hnawchhuak a, a chhan erawh a sawilang lo.

Cuba khawpui, Havana-a US embassy-a thawk pakhat chuan natna mak tak a tuar a, mahse a chunga thil thlen dan kimchng hi hriat a i lo tih, US deparment thupuangtu Heather Nauert chuan a sawi. Staff ṭhenkhat pawhin an ri hriatna an hloh niin sorkar official pakhat chuan a sawi bawk.

Cuba foreign ministry official-te chuan Havana-a US embassy-a thil thleng chungchang chu an chhui chiang mek tih an sawi a, hemi rual hian US-in Cuba palai pahnih a hnawtchhuak chu thil tih awm lo tak a nih thu an sawi.

Nauert chuan nikum aṭang khan US embassy staff te hian thil mak tak an tawk nia sawiin complaint an neih thu a sawi. Staff te chenna pawn lama sonic device dah chuan an ri hriatna thlengin a nghawng thei nia sawi a ni. Hei hi US sorkar chuan a ngai thutak hle a, a chhui mek niin a sawi bawk.

US leh Cuba ram hi kum 50 zet an inkar boruak ṭha lo avanga palai an intirh tawn loh hnuah, kum 2015 khan an inkar boruak siamṭhain, palai hi an intir tawn leh chauh a ni.