Mexico tan-ina intihbuainaah mi pakua an thi
Mexico hmarlam ramri bul, Reynosa khuaa tan-in chhunga buaina chhuakah mi pakua an thi a, mi dang 11-in hliam an tuar.
Tamaulipas state thuneitute chuan tan-in chhunga pawl pahnihte chu Ningani-a visiting hours laiin an intibuai a, tiang leh lungte an hmang niin a sawi. Boruak thunun tumin guard-te chuan silai an hmetpuak a ni. State security Coordination Group chuan buaina chhuahna chhan hi tan-in chhunga thuneitu zawk nih inchuhna vang niin a sawi. Buaina siamtu pawl hming hi tarlan a ni lo. Mexico ram chhunga tan-inte hi a tawt thei hle a, buaina leh inthahna a thleng fo a, jail aṭanga tlanchhuak pawh an awm fo a ni. Thla hmasa khan Acapulco khuaa tan-inah pawl hnihte inkara buaina chhuak vangin mi 28 an lo thi tawh bawk a ni.