UK-in Hong Kong Extradition Treaty titawp dawn

United Kingdom (UK) chuan British colony hlui, Hong Kong-a China-in national security law a siam chungchanga an lungawi lohna kal zelah, Thawhṭanni khan Hong Kong nena tang inthleng tawn theihna tura inremna an lo siam tawh, Extradition Treaty chu a titawp dawn tih a sawi. 

Foreign secretary Dominic Raab chuan Parliament-ah hemi chungchang hi sawiin, inremna an lo siam tawh chu tihtawp a nih bakah Hong Kong hnena ralthuam hralh ṭhin pawh tihtawp a ni dawn tih a sawi bawk. Hemi hma hian US, Australia leh Canada-te chuan national security law siamthar vang hian Hong Kong nena mitang inthlengtawn theihna tura inremna an lo siam tawhte an titawp tawh bawk a ni. 

Hong Kong mipuite pawhin he dan siam thar hi an duh lo hle a, vawi tam tak duh lohna lantirin nawrh pawh an lo huaihawt tawh a ni. Mahse hetichung hian China Parliament chuan pass-in June 30 aṭang khan he dan thar hi hman 

ṭan a ni ta tho a ni.