Pakistan-a bomb puakah mi 15 an thi

Pakistan-a Quetta khawpuiah kar kalta Inrinni khan bazar hmunpuiah bomb a puak a, mi 15 an thi.

Islamci State (IS) firfiak pawl chuan he pawikhawihna thleng hi an pawl tih niin an sawi. Bomb hi kawngpuia sipai patrol-te beihna atana tihpuah a ni.

Balochistan provincial home minister Sarfraz Bugti chuan bomb puakah hian mi 15 thiin, mi dang 40 velin hliam an tuar niin a sawi. Pawikhawihna thleng avang hian Quetta khawpuiah hian emergency puan nghal a ni bawk.

Sipai hotu General Qamar Javed Bajwa chuan firfiakten vawiin-a an ram zalenna champha, Independence Day lawmna tihbuai an tum thu a sawi a, hmun hrang hrangah venhimna pawh khauh taka kalpui a nih thu a sawi.