Syria sipaiten IS kut aṭangin Homs la let

Syria sipaite chuan Islamic State (IS) firfiak kut aṭangin Homs province-a Sukhneh khua chu kar kalta Inrinni khan an la let niin an sawi.

Sukhneh khawpui hi IS chakna hmun a ni ṭhin a, Syria sipaiten khawpui laklet tuma an beihnaah hian Russia sipaite chuan indo thlawhtheihna hmangin an lo pui bawk a ni. Sukhneh khuaa firfiak awmte chu kar khat liam ta khan an tlanchhuak tawh a, mahse khawpui chhung­a hian puak thei thil chi hrang hrang an hnutchhiah avangin a thenfai hna hi thawh phawt a ni a, hei vang hian sipaite hian hnehna an chan thu pawh hi an puan har phah nia sawi a ni. Khawpui aṭanga firfiak tlanchhiate hian khawchhak lama Deir al-Zour province an pan a, hei hi sipaiten beih leh an tum a ni.