Venezuela President-in sipaite nunchan zir turin ti

Venezuea President Nicolas Maduro chuan an ram sipaite chu nunchan zir turin a hriattir.

US President Donald Trump chuan Venezuela tualchhung buaina thleng mek chungchanga sorkar chet danah UN leh international law bawhchhia-ah a puh a, hei vang hian Venezuela lakah hian sipai chakna hman pawh a ngai thut lo ang tih a sawi theih loh tiin a sawi a ni. President Trump thusawi hi Venezuela sorkar bakah Latin America ram dangte pawhin an sawisel a ni. Venezuela eptu pawl, sorkar laka lungawi lohna lantira hun rei tak nawrh lo huaihawt tawhte pawhin an sawisel bawk.

TV-ah thu a sawiah, President Maduro chuan an ram venghim tura an inbuatsaih a ngaih thu a sawi. Venezuela ram chu ramdang miten an khawih a thiang lo tih a sawi bawk. Civic-military exercise hi August 26-27 chhung hian neih a ni ang.