Pakistan-a bomb puakah sipai paruk an thi

Pakistan chhimthlang lam, Balochistan province-ah bomb chak tak tihpuah a ni a, sipai paruk an thi a, midang pathumin hliam an tuar bawk.

Sipaite hi Harnai district-a Khost biala an patrol laiin bomb hi tihpuah a ni. Security official-te chuan bomb hi kawngsirah kam a nih thu leh, sipaite chuanna motor pawh a chhiat nasat thu an sawi. Kar kalta Inrinni khan army truck chu thihchilh bomb hmanga beih a ni lo tawh bawk a, mi 15 thiin an zingah hian sipai pariat an tel.