Current supply tawp vangin Taiwan minister bang
Taiwan economy minister chu power plant-a generator chhiat avanga Taipei khawpuia chhungkaw tam tak power supply a tawp avangin minsiter a nihna aṭangin a bang.
Thawhlehni tlai lam khan generator chhiat avangin power supply hi tawp a, khawlum karah khawpui chhunga chhungkaw tam takin power supply an hmu thei lo a ni. Power supply tawp hian traffic, shopping mall leh office thlengin a nghawng vek a ni.
He thil thleng avang hian Taiwan economy minister Lee Chih-kung chuan news conference neiin thupha a chawi a, mawhphurtu chu hrem a nih tur thu a sawi. Taiwan Central News agency chuan Taiwan-a natural gas power plant lian bera generator paruk chu a khawl lian felloh avangin hna thawk thei lo niin a tarlang.