Sharif leh a fapate thu zawhfiah turin ko

Pakistan Prime Minister aṭanga paihthlak, Nawaz Sharif leh a fapate pahnih chu dik lo taka sum thawnkual leh eirua puhna thubuaiah, eiruk dotu pawl National Accountability Bureau (NAB) chuan thu zawhfiah turin a ko.

NAB hian Supreme Court thupek angin Sharif leh a fapte hi a ko a, Panama Paper leak-a ram pawn lama an chhungkuain company leh thil dang an neih chungchang tarlan kaihhnawihah vawiin hian thu an zawtfiah dawn a ni.

July 28 khan Supreme Court-a member panga awmna bench chuan Sharif-a hi, UAE-a a fapa firm tana work permit a neih chungchangah thiam loh chantirin prime minister a nihna aṭangin an lo ban tawh a ni. Hemi hnu hian Supreme Court chuan NAB hnenah hian Sharif leh a fate chu sum dik lo taka thawnkual leh eirua puhna thubuai chu chhui zui turin a ti ta a ni.

Hetih lai hian NAB kohna hi Sharif hian a zawm lo maithei nia sawi a ni a, PML-N hruaitu pakhat chuan Sharif-a hian Panama Paper case chung­changah dik lo taka a chung­thu relsak a nih ang bawk khan, NAB-ah pawh hian kalpui leh nih a ring a ni, tiin a sawi.