Venezuela tan-ina buaina chhuakah mi 37 thi

Venezuel chhimlam, Amazon state-a Puerto Guarulla tan-ina buaina chhuakah mi 37 an thi.

State governor Liborio Guarulla chuan Thawhlehni zan khan jail tangte leh security force-te inkarah buaina hi a chhuak tih sawiin, thi te hi mi tang vek an nih thu a sawi. Prison guard 14-in hliam an tuar bawk. Buaina chhuah lai hian jail-ah hian mi 110 an tang a ni.

Venezuela ramah hian tan-in 30 vel awm­in, heng zinga a tam zawk chu a tawt hle a, tangte hi pawl hlauhawm tak taka mi te niin, tan-in chhunga pawl leh pawl inkara buaina chhuak te, tlanchhuah tum vanga buaina chhuakte a awm fo a ni.

Venezuelan Prisons Observatory chuan an rama tan-in hrang hranga tang thei tura bithliah chu mi 16,000 vel an nih laiin, tuna mitang awm mek chu 50,000 vel an tling niin a tarlang.