China-ah hri a len nawn leh hlau

China health official-te chuan an ramah Covid-19 hri leng a zual nawn leh ang tih an hlauh thu an tarlang.

Kar hnih liam ta chhung khan China-a provincial-level region 10 huam chhung­ah hri inkardarhna a thleng leh tih China health official-te chuan nimin khan an tarlang a, hei vang hian an rama hri leng hi a nasat leh an hlau tih health official-te chuan an sawi chhuak ta a ni.

China National Health Commission (NHC) chuan Pathianni khan hri kai pathum an awm tih a tarlang a, heng mi pathumte hi rampawn aṭanga China-a haw an nih thu a tarlang bawk. Hemi ni a rampawn aṭanga lut hi mi 98 an awm a, heng mite hi enfiah mek an ni. Pathianni vek khan China-ah hian Covid-19 hri kai thar mi 962 an awm a, heng mite hi an taksaa natna lan chhuahna awm lo, asymptomatic an ni. Heng mite avanga hian ramchhunga hri leng hi a pun zual an hlauhthawn thu NHC thupuangtu Mi Feng chuan a sawi.

China khawpui Beijing-ah chuan office, sumdawnna leh tourist site-te chu hawn a ni tawh a, mahse cinema, theatre leh arcade-te chu khar a la ni.