Uganda-ah South Sudan raltlan mtd khat an lut

Uganda ramah South Sudan raltlan maktaduai khat an lut tawh a, an zinga 85% chu hmeichhia leh naupang an ni.

South Sudan tualchhung buaina avangin mi tam tak chu an ram ṭhenawmah an tlanchhe tawh a, Uganda bakah Sudan, Ethiopia, Kenya, Democratic Republic of the Congo leh Central African Republic-ahte a tlanchhia a ni. Kum 2013 aṭang khan South Sudan-ah hian tualchhung indona a thleng a, mi tam takin nunna an chan tawh a ni.

UN chuan South Sudan aṭanga Uganda rama tlanlut hi an punbelh zel avangin raltlante enkawlna kawngah Uganda chu puih thuai a ngai tih a sawi. Uganda sorkar­in raltlante a lo dawnsawn dan hi UN leh international organisation-te chuan an fak hle. Uganda sorkar chuan raltlane hi an inbenbelna turin ram leh thlai chinna tur ramte a lo pe a ni.