Nigeria President an ramah kir

Nigeria President Muhammadu Buhar chu thla thum zet UK-a enkawl a nih hnuin kar kalta Inrinni khan an ramah a kir leh ta.

President Buhari hi a natna chung­chang official-te’n an sawichhuah duh loh avangin ngaihven a hlawh hle a, ram hruai hna chelh zui zel lo tur nia ngaiin mi tam tak chuan a dinhmun dik tak sawi­chhuak turin sorkar thuneitute an nawr fo a ni. Kum 74 mi, Buhari hi kumin chhunga inenkawl tura chawlh a lak ṭum hnihna a ni. President hi a chawlh chhunga a ai awhtu, Vice President Yemi Osinbajo chuan a lo hmuak a ni. Buhari hian vawiin hian TV kaltlangin an ram mipuite hmaah thu a sawi ang.