Trump-a’n Afghanistan-a hmalak dan tur puang dawn

US President Donald Trump chuan Afghanistan-a hma an lak zel dan tur a puang dawn.

Pathianni khan White House chuan thuchhuah siamin, President Trump hian Arlington, Virginia aṭangin an ram sipai leh ram mipuite hnenah thuchah sawiin, he hunah hian Afghanistan leh South Asia-a US hmalak zel dan tur a puang tel dawn tih a sawi.

President Trump hian kar kalta Zirtawpni kha Maryland-a Camp David presidential retreat-ah security official-te kawmin, a hmalak tum dante a sawipui a, thutlukna eng emaw zat pawh an siam nghal a ni. Afghanistan-ah hian firfiakte beihnaa Afghanistan security force-te pui turin US sipai 8,400 leh NATO sipai 5,000 an la awm mek a ni.