Serbia-in Macedonia-a a staff te ko haw

Serbia sorkar chuan Macedonia rama a embassy staff-te a ko haw vek. Hei hi Macedonia sorkar-in ram pahnih inkar boruak tichhe thei zawnga thil a tih vang nia sawi a ni.

Serbia President Aleksander Vucic chuan Macedonia khawpui, Skopje aṭanga staff-te koh haw an nih thu hi a sawi a, hei hi Serbia chunga thil ṭha lo tih tumna a awm nia intellingence report an dawn vang a ni. Kumin April thlaa eptuten Macedonia parliament luh­khung a, deputy eng emaw zat kut an thlak lai kha parliament-ah hian Serbian intelligence officer a lo awm ve nia sawi a ni a, hei vang hian ram pahnih inkar boruak pawh a chhiat phah hle. Vucic chuan Macedonia nena inzawmna ṭha tak neih zel a tum tih a sawi a, hemi rual hian an inlaichinnaah ram pahnihte chuan inzahtawnna leh inrintawnna an neih a ngai a ni, a ti.