Sierre Leone ramah hri len a hlauhthawnawm

World Health Organization (WHO) chuan kar hmasaa leimin avanga mi 500 vel an thihna, Sierre Leone-ah chuan natna hri a len a hlauhthawnawm niin a sawi.

Sierre Leone khawpui, Freetown-a leimin rapthlak tak thlengah hian mi 500 vel an thi nia tarlan a ni a, chin hriat lohin mi tam tak an la awm bawk. Leimin leh chirh tawlhin tui leh sanitation facility-te a tichhe tel a, hei vang hian he khawpuia chengte tan hian natna inkaichhawn theih hri a len mai a hlauhthawnawm nia sawi a ni.

WHO chuan Sierre Leone-ah hian natna hri, malaria, typhoid leh cholera-te pawh alo leng tawh ṭhin tih an sawi a, kum 2012 khan cholera hri leng vangin mi tam takin nunna an chan a ni. WHO Sierre Leone officer incharge Alexander Chimbaru chuan leimin hian chhiatna nasa tak thlenin mi tam takin nunna an chan a, hri leng vanga chhiatna rapthlak dang a thlen belh lohna turin theihtawp an chhuah mek tih a sawi. WHO hian hri leng tur vengin health department hotuten nen an thawkho mek a, chhiatna thlenna bialah hian hmanrua chi hrang hrangte sem a ni a, health leh community worker-te pawh training pek an ni bawk. WHO chuan cholera leh emergency kit thawn belh a tum bawk.