Japan-in NKorea hrekna thar siam dawn

Japan chuan North Korea ram hrekna thar a siam dawn tih sawiin, NKorea nena sumdawnna kawnga inzawmna nei China leh Namibia firm-te thil neih chu khawih chet theih lohin a dah dawn.

US chuan China leh Russia firm, NKorea nena inzawmna neite lakah hrekna a lo siam tawh bawk a, hemi hnu hian Japan pawhin hrekna thar a siam tur thu hi a sawi ve leh a ni.

Japan sorkar thupuangtu, Yoshihide Suga chuan North Korea chu nuclear programme a kalpui mek titawp turin na zawka an nawr tur thu a sawi. Hrekna thar an siamah hian pawl leh mimal pawh eng emaw zat an tel a, North Korea-in ralthuam siamna atana a hmalaknaa a sum dawn ṭhin te danna atana tih a ni. Hemi hma hian Japan hian pawl leh mimal eng emaw zat hrekna a lo siam tawh bawk a ni.