Switzerland-ah chin hriat lohin mi 14 awm

Switzerland khawchhak lam, Graubunden-ah lei nasa takin a min a, he chhiatna thlen hnu hian chin hriat lohin mi 14 an awm.

Leiminna hmun hi Val Bondasca bial, Italy ramri bul a ni. Police-te chuan chin hriat loha awmte hi hiker leh climber te an nih thu leh, Switzerland, Germany leh Austria ram mite an nih thu a sawi. Rescue worker 120 awmna, rescue team chuan helicopter leh uifing hmangin chin hriat loha awmte zawn hna hi an thawk mek a ni.