Barcelona-ah kawng zawh huaihawt

Spain rama Catalonia bial khawpui, Barcelona-a firfiakten pawikhawihna rapthlak tak an thlen duh lohna lantirin nimin khan kawgzawh huaihawt a ni a, mi nuai nga vel an tel.

Nimina kawngzawh huaihawt hi Spain lal, King Felipie VI pawhin a zawm a, Prime Minister Mariano Rajoy bakah Spain leh Catalan regional official-te an tel bawk.

August 17 khan Barcelona-a Las Ramblas hmunah motor van hmangin mipui pawng chil an ni a, he pawikhawihna thleng avang hian mi 14 an thi a, mi dang 22-in hliam an tuar a ni. Hliam tuarte hi damdawi-inah enkawl mek an ni a, an zinga paruk chu an dinhmu a ṭha lo hle. He pawkhawihna thlenga inhnamhnawiha puh mi 12 zinga pariat chu kahhlum an ni a, midang pali chu man an ni bawk. Barcelona-a pawikhawihna a thlen khan Cambrils khuaah pawh pawikhawihna thleng­ah mi 15 an thi a, mi dang 120 chuangin hliam an tuar bawk.

Islamic State (IS) firfiak pawl chuan Barcelona-a pawikhawihna thleng hi an pawl tih niin an chhal a ni.