California ram kang a darh zau zel Chenna in tam tak dinhmun a him lo

United States-a California-a ram kang nasa tak chu central mountain lamah a kangkai darh zel a, hetih lai hian kangṭhelhtute chuan Los Angeles chhim lama ram kang chu an thunun thei tawh thung niin thuneitute chuan Pathianni khan an puang.

Mosquito Fire tiha hming an vuah hian, San Francisco hmarchhaka Sierra Nevada range-ah ni li chhungin ram acre 41,000 a zau a kangkai hman tih Cal Fire website report chuan a tarlang. El Dorado leh Placer-a ram kang mek zinga10% chiah thunun a la nih thu an sawi bawk.

Kar eng emaw zat khaw lum tak an tawrh hnuah, khaw lum hian ziaawm la ma pan chho a, hei hian kangmei darh chak lutuk tur pawh a tihziaawm phah beisei a ni. Hetih lai hian state hmar leh hmarchhak lamah thli chak tak a tleh avangin, chenna in tam tak dinhmun a hlauhthawnawm hle.

Forsthill khua chu an dinhmun a him tawk lo a, hei vang hian warning tichhuakin, mi eng emaw zat chu insawnchhuak tura tih an nih thu Cal Fire chuan a tarlang. Hei hi ṭum li an insawnchhuahna tur niin, tun ṭuma an dinhmun chu a la ṭha lo ber niin an sawi.

Inrinni liam ta khan, Los Angeles chhim lamah ruah surin, hei hian boruak a tihdaih deuh avangin kangṭhelhtute chuan Fairview Fire chu an ṭhelh theih phah tih an sawi. Khawlum nasa tak an tawrh hnuah ram kang thleng vang hian mi pahnihin nunna an chan tawh bakah, chenna in 20 a chhe tawh niin official-te chuan an sawi a ni.