Queen Elizabeth II lehkhathawn kum 63 hnuah chauh hawn theih dawn

Queen Elizabeth II lehkhathawn ziah chu Sydney-a vault pakhatah kalhkhum a ni a, kum 63 hnuah chauh hawn theih a ni dawn.

7NEWS Australia tarlan danin, Sydney-a historic building chhunga vault-ah dahṭhat, lehkhathawn hi kum 1986, November thlaa Queen-in a ziah a ni a, Sydney mipuite tana a ziah a ni. Report chuan he lehkhathawna a thu ziahte hi Queen personal staff-te pawhin an hre lo tih a sawi. Darthlalang bawm chhungah dah niin, kum 2085 hma chuan hawn theih a ni lo.

Sydney Lord Mayor tana hriattirna inziakin, hetah hian 'AD 2085-a ni remchang i thlanah, he envelope hi khawngaih takin min hawnsak la, ka thuchah hi Sydney khaw mipuite hnenah min hlanchhawn sak ang che," tiin a ziak. A tawpah 'Elizabeth R.' tiin a hming a ziak bawk.

Australia ram hotu a nih angin, Queen Elizabeth II khan vawi 16 a lo tlawh hman a ni. Zirtawpni liam ta khan, Sydney-a hmun hmingthang, Opera House chu Lalnu hriatrengna hun atan kah en a ni.

Lalnu a thih hnua a thlaktu, King Charles III chu Australia chuan Pathianni khan head of state-ah puangin, kum 70 hnua lalber thar an puan leh ṭum khatna a ni.