Guatemala president-in UN investigator chhuak turin thu pe

Guatemala President Jimmy Morales chuan an rama UN anti-corruption hotu, Iván Velásquez Gómez chu an ram chhuahsan turin thu a pe.

Kum 2015 inthlan khan Morales hi a chak a, mahse Guatemala prosecutor-te chuan he inthlanah hian Morales hi sum pekchhuah chungchangah thil dik tawk loa kalpuiah an puh. UN agency hian President Morales-a thubuai siamsak theih loha humna pek chu tihtawp a thlawp a, hei vang hian Morales hi a lawm lo hle nia sawi a ni.

President Morales chuan Pathinni khan video message hmangin Iván Velásquez Gómez hi chhuak turin thu a pe a, mahse Constitutional Court chuan a thupek hi a lo dansak nghal a ni. Morales chuan foreign affairs chung­changa a thupek dang turin court hian thuneina a nei lo niin a sawi a, court thupek chu a hnawlsak a ni.

President thupek siam duh lo hian Pathianni vek khan mi tam takin lungawi lohna an lantir a, Health Minister Lucrecia Hernández Mack pawh president thiltih dana lungawi loin minister a nihna aṭangin a bang bawk.