Taliban firfiak bomb tihpuahah mi 13 an thi

Afghanistan chhim lam, Helmand province-ah Pathianni zan khan Taliban firfiak pakhatin Afghanistan sipai convoy beih nan thihchilh bomb a tipuak a, mi 13 an thi a, midang eng emaw zatin hlam an tuar.

Provincial governor thupuangtu, Omar Zwak chuan Helmand-a Nawa District-a bazar bulah Afghan National Army convoy a tlan laiin thihchilh bomb hi tihpuah a nih thu a sawi a, thi zingah hian civil mi eng emaw zat an tel a ni, a ti. Taliban firfiak pawl chuan he pawikhawihna thleng hi an tih niin journalist-te an hrilh a ni.