UN hotuin Israel a tlawh

United Nations Secretary General Antonio Guterres chu Pathianni zan khan Israel-ah a zin a, Palestinian National Authority a tlawh nghal bawk ang.

Guterres hian kumin January thlaa UN hotu atana lakluh a nih hnua Israel a tlawhna hmasa ber a ni a, Jerusalem-ah Israel Prime Minister Benjamin Netanyahu leh President Reuven Rivlin-te meeting a neihpui bakah, Ramallah city-ah kalin Palestinian President Mahmoud Abbas a kawm bawk ang. UN hotu hian Gaza Strip tlawh a tum bawk a, Gaza-a UN in chhawmdawl hna a thawh dan hrang hrangte a enpui dawn a ni.