Thai queen anga inchei activist kum 2 tang turin hrem

Thailand-a activist, kum 25 mi Jatuporn 'New' Saeoueng-i chu kum 2020-a Thailand lalnu anga a inchei avangin kum hnih tang turin hrem a ni.

Kum 2020-a Bangkok-a politics lama lungawi lohna lantirna hmunah, Saeoueng hian rawng sendang (pink) a rawn ha a, hei hi an ram lalnu hmuhsitna leh zah lohna tiin thubuai siamsak a ni. Court chuan thiam loh chantirin kum thum tang turin a hrem a, a hnuah kum hnihah a titlem leh ta a ni.

Saeoueng hian an puhna hi phain, an hnam inthuam chi khat anga rawn inchei mai a nih thu a sawi thung.

Thailand-ah hian Lal leh lal chhungkaw sawisel leh tinawmnah zawnga chete laka hremna dan khauh tak siam a ni. Kum 2019-a King Maha Vajiralongkorn-an thuneihna a chan aṭang khan, an lal thuneihna siamṭhat duhtute lakah he dan hi an lek uar zual niin right groups-te chuan an sawi.

Kum 2020 November aṭang khan, lalchhungkaw sawisela puh mi 210 chu he dan hnuaiah hian thubuai siamsak an ni tawh a, nikum khan sorkar hnathawk pakhat chu social media lama lalchhugkua a sawisel vangin kum 43 jail tang tura hrem a ni. Human rights group-te chuan Thawhṭannia court-in Saeoueng-i hremna a pek hi an sawisel nasa hle.