Yingluck-i passport tih -tawp tumna a awm lo : Thai foreign minister

Thailand foreign minister Don Pramudwinai chuan an ram prime minister hlui, Yingluck Shinawatra-i passport tithawpsak tumna a awm lo niin a sawi. Yingluck-i hi court-in a thubuai ngaihtuah hun a ruatah damloh chhuanlamin a inlan lo a, hemi hnu hian Thailand aṭangin a tlanchhe zui nia saiw a ni. Yingluck-i hian Thai passport chi hnih, regular leh diplomatic passport a nei a, hei bakah hian foreign passport pawh a neih rin a ni bawk. Thailand aṭanga a tlanchhiat hnuah a passport pawh tihtawp sak tumna a awm nia sawi a ni a, mahse foreign minister Don Pramudwinai chuan hemi chungchang hi ministry lamin a la ngaihtuah lo tih a sawi.

Kum 50 mi, Yingluck-i hi kum 2011 khan prime minister atana thlan a ni a, Thailand hmeichhe prime minister ni hmasa ber a ni. A nuṭa, prime minister hlui Thaksin Shinawatra pawh eiruk thubuaiah thiam loh chantir a nih avangin ram dangah a tlanchhe bawk a ni. Thaksin-a hian Dubai-ah in a nei a, mahse a awm tam lo a, Singapore leh Hong Kong-ahte a zin kual reng a ni.