Venezuela-in US thlawptute thubuai siamsak dawn

Venezuela Constituent Assembly chuan US-in an ram hrekna a siam thlawptute chu thubuai siamsak a remti.

Kar hmasa khan US chuan sum lama Venezuela ram hrekna tur hi a siam a ni. President Nicolas Maduro chuan hei hi sawiselin, dan kalh a nih thu leh an ram che thei loa siam tumna a ni, a ti.

Thawhlehni khan Constituent Assembly-ah hemi chungchang hi darkar thum chhung zet sawiho a ni a, eptute member-te chu US hrekna siam thlawpah hian puh an ni. Hei vang hian assembly president Delcy Rodriguez chuan an ram hrekna thlawptute chu chhui chiang a, thubuai siamsak turin chief prosecutor leh Supreme Court a ngen tur thu a sawi.