Sweden hmeichhe PM hmasa ber a bang

Sweden hmeichhe prime minister ni thei hmasa ber, Magdalena Andersson chu an ram inthlanpui neih zawh takah an chak zawh loh avangin a bang.

Pathiannia inthlanpui an neih result kimchang hriat la ni lo mah se, Andersson kaihhruai centre-left ṭangrual hian right-wing party-te chu an hneh thei tawh lo a ni. Hei vang hian PM hian an chak loh chu a pawm thu a sawi hnuah, nimin khan banna a thehlut a ni.

Moderate party hruaitu, Ulf Kristersson chu sorkar thar siam tura rin a ni.

Andresson hi nikum khan PM atan lakluh niin, Sweden ramin hmeichhe PM a neih hmasa ber a ni. Lakluh anih aṭanga ni khatnaah a bang leh nghal a, mahse a hnuah PM-ah hian a awm zui leh a ni.

Sweden rama an tihdan phung angin, vote tlate hi chhiar nawn leh hnuah, final result hi tihchhuah a ni chauh ang.