Germany-ah World War II bomb hmuchhuak

Germany-a Frankfurt khawpuiah Indopui II hunlai ami bomb la puak lo hmuchhuah a ni.

Bomb hmuhchhuah hi HC-4000 a ni a, ton 1.4 zeta rit a ni. Thawhlehni khan in sakna tura lei an laihna hmunah hmuhchhuah a nih thu Frankfurt fire department chuan a sawi.

Bomb hi Pathianni hian sut a ni dawn a, bomb hmuhna hmun aṭanga km 1.5 biala chengte chu insawnchhuak tura hriattir an ni. Police-te chuan bomb chharna hmun hi midang tlawhpawh theih loh turin an veng nghal bawk.

German rama khawpui dangah pawh WWII hunlaia bomb puak lo hi hmuhchhuah a lo ni fo tawh a, nikuma Krismas urlawk ni khan Augsburg-a bomb hmuhchhuah chu sut a nih dawn avangin mi 54,000 chuan an chenna in an lo chhuahsan tawh a ni. Kumin May thla khan bomb sut a ni dawn avangin Hannover-ah mi 50,000 chu sawnchhuah an lo ni tawh bawk.