Cameroon-in English TV channel khapsak

Cameroon sorkar chuan an rama English TV channel pakhat chu tihchhuah a khap.

Sorkar chuan he TV channel hi English ṭawng hmangte aiawhtu a ni tiin, mipuite chu he channel hi en lo turin a ti. Cable TV provider-te chuan he English channel, South Africa-a hmunpui nei, SCBC hi an titawp lo a nih chuan hrek an ni dawn tih an sawi.

Communications Minister Issa Tchiroma chuan he channel hian inthliarna leh inhuatna lam thlen thei programme a tichhuak ṭhin niin a sawi a, eptu pawlten politics khelhna hmanruaah an hmang niin a sawi. Sorkar chuan South Africa thuneitute hnenah SCBC hi tichhuak tawh lo turin alo ngen tawh a, mahse a hlawhtling lo a ni. Sorkarin TV channel tihchhuah hi khap mah se online-in ala en theih dawn tho a, mahse a en luite chu hrem theih an ni ang.