Bangladesh police-te’n Rohingya-te luhtir

Bangladesh sorkarin Myanmar aṭanga an rama tlanchhe lut, Rohingya muslim-te lo dang turin thupek siam mah se, Bangladesh police-te chuan sorkar thupek zawm loin raltlante hi an luh tir zel nia sawi a ni.

Myanmar-a Rakhine state-a security force leh Rohingya pawlte inbeihna avangin Rohingya mi tam tak chu Bangladesh ramah hian an tlanchhia a ni. Rohingya-te hian ram pahnihte inrina, Naf lui kanin Bangladesh hi an pan a, mi tam tak chu sangha manna lawng hmanga kalte an nih avangin lui-ah hian an chesual fo a ni. Naf lui bulah hian Bangladesh-a luh tum Rohingya 20,000 vel an la tangkhang nia tarlan a ni bawk.