WWII bomb hlawhtling takin sut

Indopui II hunlaia mi bomb hmuhchhuah chu Pathianni khan Germany-a Frankfurt-ah bomb sut thiamten hlawhtling takin an sut. Bomb sut a nih dawn avang hian a bul hnaia cheng mi 60,000 chuang chu insawnchhuah tir an ni.

Pathianni-a bomb sut hi ton 1.8 zeta rit a ni a, kar kalta Thawhlehni khan in sakna tura lei laihna hmunah hmuhchhuah a ni. He bomb sut dawn vang hian a awmna aṭanga km 1.5 biala chengte chu an in chhuahsan vek tura tih an ni.