China-ah BRICS summit ṭan

Nimin khan ni thum awh tur, BRICS Summit chu China chhimchhak, Fujian province-a Xiamen khuaah neih ṭan a ni.

BRICS member ram - Brazil, Russia, India, China leh South Africa hruaitute chuan thuchhuah inṭawm siamin, firfiaka chetna thleng ṭhin an dem thu an sawi a, firfiakte thlawptu ram leh pawl te pawh an dem thu an sawi bawk. Ram hrang hranga firfiakte do let tura thawhhona ṭha neih a ṭul thute an sawi a ni.

BRICS ram hruaitute chuan firfiaka chetna do let tura awm­ze neia hma lak a ngaih thu leh, firfiakten sum an lakluhna hmanraw hrang hrangte lo dansak a ngaih thute an sawi.

Summit thlengtu, China President Xi Jinping chuan BRICS economic and technology coopreation plan atan China-in dollar maktaduai 76.4 a pek tur thu a sawi a, hei bakah hian BRICS New Development Bank-a project hrang hrang atan dollar maktaduai 4 an pek tur thu a sawi bawk.