Israel PM nupui thu zawtfiah

Israel Prime Minister Benjamin Netanyahu-a nupui, Sara Netanyahu chu nimin khan public fund dik lo taka hmanga puh chungchangah thu zawtfiah niin, lie detector test neihtir a ni.

Sara Netanyahu-i hi an nupa official leh private residence cheina atana sorkar sum hmang ṭhinah puh a ni a, hemi chungchangah hian thla hmasa khan national fraud squad detective-te chuan thu an lo zawtfiah tawh a ni.

PM nupui chuan an puhna chu thu dik lo niin a sawi a, hei vang hian lie detector test pawh a neih thu an chhungkaw laywer Yossi Cohen chuan a sawi a, “A tan thil zahthlak leh tlawmthlak tak ni mah se, a dikzia pholanna tur test hi ṭha takin a nei a ni”, a ti. Test naah hian eng ang zawhna nge pek a nih tih leh, test result erawh chu a sawilang lo.