Russia-in Kim Jong-Un hnenah World War II medal a hlan

Russia president Vladimir Putin chuan North Korea ram hruaitu, Kim Jong-Un chu Indopui II hun laia North Korea-a Soviet Union sipai thite hriatrengna thil a vawnṭhat sak avangin chawimawina, World War II medal a hlan. 

NKorea-a Russia embassy chuan Kim hnena chawimawina hlan a nih thu a sawi. He chawimawina hi Mansudae Assembly Hall-ah neih a ni tih pawh a tarlang bawk. 

Russian ambassor chuan medal, “75 Years of Victory in the Great Patriotic War 1941-1945” tih inziahna hi NKorea foreign minister hnenah a hlan a, thlalak pawh Facebook page lamah dah lan nghal a ni. Mahse  he hunah hian Kim erawh hmuh tur a awm lo thung. 

NKorea rama Indopui II  hunlaia Soviet sipai thite thlan leh an hriatrengna hmunte ngaihsak a, ṭha taka a vawnsak avangin Kim hnenah he chawimawina hi hlan a nih thu Russian embassy thuchhuah chuan a tarlang. NKorea-a hian Soviet sipai 1,375 vel phum an ni.