Florida leh Puerto Rico-ah emergency puang

US President Donald Trump chuan thilpui, Hurricane Irma tleh dawn avangin Florida, Puerto Rico leh US Virgin Island-ahte emergency a puang. Emergency puan a nih avang hian Department of Homeland Security leh Federal Emergency Management Agency te chuan heng hmunah hian thlipui tleh tura laka invenna atana an hmalaknaah an pui thei a ni.

Catergory 5 Irma hi Thawhlehni khan darkar khata km 297-a nain a tleh a, Atlantic Ocean

aṭanga thli tlehah chuan a na ber niin, chhiatna nasa tak a thlen a hlauhthawnawm hle. He thlipui hian Florida lam a pan a ni. South Florida-ah chuan mipuite chuan ei tur leh mamawh dangte an lamkhawm nasa hle a, Hurricane Harvey-in Texas-a chhiatna rapthlak tak a thlen vangin an lo inpuahchah lawk nasa hle.