New Zealand-in emergency pawtsei
New Zealand sorkar chuan Covid-19 leng vanga March 25-a emergency a puan chu kar khat dang a pawtsei.
Civil defence minister Peeni Henare chuan an ram prime minister leh civil defence emergency management director rawn chungin emergency pawhsei a nih thu a sawi.
Feb 28 khan New Zealand-ah hian Covid-19 hri kai hmasa ber hriat chhuah a ni a, kai hmasa ber hi Iran aṭanga zin haw a ni. Hemi ni aṭang hian Iran aṭanga zin luh khap nghal a ni.
Nimin thleng khan New Zealand-a Covid-19 kai zawng zawng hi mi 1,486 an tling tawh a, heng zinga mi 1,302 te chu enkawl dam tawh niin, thi hi mi 20 an awm tawh bawk.
New Zealand sorkar hian hri dona kawngah nasa taka hma lain a ṭang em em a, an rama hri kai hmuh a nih hma, January 28 khan Ministry of Health chuan Covid-19 hri do turin, National Health Coordination Centre (NHCC) chu a din a ni.