Sahbawn leh tui hnianghnar hman tur nei lo an tam : WHO

World Health Orga­nization (WHO) Director-General Tedros Adhanom Ghebreyesus chuan  khawvel pumah mi tluklehdingawn thum vel chuan an inah sahbawn leh tui hnianghnar hman tur an nei lo a ni, a ti. 

Nimina Hand Hygiene Day puala Geneva-a virtual press conference a neihnaah, WHO hotu chuan tunlaia khawvela hripui leng mek, Covid-19 laka invenna ṭha ber zinga mi chu kut fai taka sil reng a nih thu a sawi nghal bawk. 

"Kil silfai chauh pawh hi nunna leh thihna inkar danglamna thlentu a ni thei. Kut silfai leh sil ngun hi Covid-19 leh hri leng dang laka mimal, chhungkua leh khawtlang invenna pawimawh tak a ni reng a ni," a ti. 

Covid-19 leh hri leng dang laka tihtawp a nih a, damdawi lama thawktute himna ngaihtuah a, sahbawn siamna lamah investment tihpun a, tui hnianghnara hmuh theihna ngaih pawimawh a ṭul thu WHO hotu chuan a sawi.