SKorea-in ramriah US anti-missile launcher dah

South Korea chuan North Korea-in a beihna laka invenna turin ramri bulah, US anti-missile Terminal High Altitude Area Defence (THAAD) system luan­cher pali a dah belh leh dawn.

South defence ministry chuan Seoul chhim lam, km 217-a hla Seongju City bula golf course hluiah luancher-te hi dah a ni dawn tih a sawi a, he hmunah hian THAAD luancher pahnih leh radar pakhat dah a lo ni tawh bawk.

Hetih lai hian ramri bula chengte chuan THAAD system dah hi an duh lo a, Thawhṭanni pawh khan Soseong kianga chengte chuan THAAD system dah hian an nunphung a tibuai hle tih sawiin lungawi lohna an lantir a, police-te nen an innawr buai­naah mi 38-in hliam an tuar a, an zinga mi 21 chu damdawi-inah dah luh an ni.

THAAD hian short leh medium range missile-te chu boruakah a lo kap thla thei dawn a ni. Mahse China chuan NKorea ramri bula he system dah hi alo sawi­sel tawh a ni. Mahse SKorea defence mi­nistry chuan Nkorea in a vau reng leh missile a enchhin fo avangin anti-missile system dah hi thil ṭul tak niin a sawi thung.